又再賣文

（牢騷而已，不喜勿看。）

真是不愉快的經歷。

之前提到某前度老闆畀人插到一戙都無的文章經我大幅修改之後，獲期刊有條件接納，只是老闆不肯加入我的名字，而我又不在其位，於是一拖數月，都無 mood 動筆回答審稿員的多項質疑。老闆見勢色不對，便悄悄地把文章投向另一份排名更高的期刊。該期刊較「順攤」，但也提出一項質疑，於是老闆只好再飛鴿傳書，內容就像渡邊博子寫給藤井樹的信一樣，雖然問「你好嗎？我很好」，實際上根本不期待我回答近況，重要的是我肯幫手。

見上次應承了又未幫忙（嚴正聲明：唔係唔肯幫呀，只係無心情動手而已），有點內疚，於是今日總算正正經經，花了一個下午想想怎樣回答，但是老闆本來的取樣方法有問題，十分惡搞。最後總算想了個辦法再「兜」一次。剛剛回了老闆，但係忍唔住加了幾句：

都唔知點答條友條問題，其實你 D data 的問題，大到好難 mount（粵語），所以任何答案都只係狡辯！莫講話佢 accept 你篇文，就算係有條件接納，都不過係死好命！

自問無奸商那種遊走於灰色地帶的神經。這種一開始就出問題的文章，其實最好收入櫃桶底，而唔係勉強為內容辯護博出版。無奈李公國章的「改革」令大學教師只可 publish or perish，搞到一眾學者焅住要出文章。希望此事再無下文，無論 accept 或 reject，都痛痛快快了結。人生有幾多個十年，我唔想十年後重改緊呢篇文。就算係十個月或十日後，都咪搞我。