2011年12月21日星期三

The joy of learning

呢個標題,是抄自電鋸的。史丹福今季的 AI 與 ML 課程剛剛完結,距離下一季開課還有一個月,於是我昨晚急急腳上網報讀同樣剛剛完結DB 課程。雖然任何人事後都可以上網睇返 lectures 的影片,但係無報讀的話,就無得觀看功課內容,更遑論做功課或參加考試。

據說 DB 乃三個課程之中,難度最接近正式的本科生課程者。我一口氣完成了第一週的課程,覺得 DB 在三個課程當中,真係「有 D 嘢」,不但老師教得最好,功課亦設計得最佳,令我每條題目都學到嘢。我無諗過自己學 DB 呢類睇落好 Q 悶的課題,結果反而最留心聽。例如以前好多次試過想學 XML,但係拿起書讀幾頁就已經見周公,但係睇史丹福的 lectures,做了幾題寫 DTD 的 hands-on exercises,就即刻入腦。第四份功課講 Relational Algebra,最後一題好難,但係又唔會令人氣餒。最後解決到的時候,真係好有滿足感,玩得好過癮。下一課係 SQL,期待更有趣的挑戰。

2 則留言:

Calvin 說...

MISS左了, 希望黎緊會有新Course啦

The suffocated 說...

來季有十幾科新 courses,但係唔會開 DB,對 DB 有興趣的,就好急急腳報讀上週已經完結的本季課程啦!我尋晚上網,佢都畀我註冊,莫非今日唔畀?